ഓര്‍മ്മയിലെ വിവാഹം
ഓര്‍മ്മകള്‍ കൊണ്ടൊരു കൊട്ടാരംകെട്ടി
ഒരു നെടുവീര്‍പ്പുകൊണ്ടതില്‍ കട്ടിലുംകൂട്ടി
ഒമാനയെയെന്‍ ചാരെക്കിടത്തി
ഓമനിക്കാന്‍ ഞാനും കൂട്ടിരുന്നു
ഓരിയിടുന്നോരോഓര്‍മ്മകള്‍ മാത്രമായ്‌
ഓര്‍ക്കുന്നു ഞാനെന്‍ വിവാഹനാളുകള്‍
പോയവര്‍ഷമൊരു പേക്കിനാവെന്നപോല്‍
മനോമുകരത്തില്‍ മുഴങ്ങുന്നു ഇന്നും
കേള്‍ക്കാന്‍ കൊതിച്ചൊരു ഇഷ്ടഗാനമെന്നപോല്‍
കാത്തിരുന്നു കിട്ടീ ചുട്ടി രണ്ടുമാസം
ഒന്നിനും തികയാതെ വന്നതിലെന്കിലും
എല്ലാം നടത്തി ഒരു ഫാസ്റ്റ്‌ ട്രാക്കെന്ന പോല്‍
കണ്ടില്ലെന്‍ നാരിയെ കണ്‍കുളിര്‍ക്കെ
കണ്ടു കാണില്ലവളെന്നെയുംമുഴുക്കെ
ഇമ വെട്ടിയ നേരം കൊണ്ടവധിയും തീര്‍ന്നു
തിരിച്ചെത്തി ഞാന്‍ വീണ്ടുമീ മരുപ്പറമ്പില്‍
കാലം നാട്ടിയ നോക്ക് കുത്തിയെന്നപോല്‍്
കഴിയുന്നു ഞാനുമെന്‍ വിധിയെപ്പഴിച്ച്
ഓര്‍മ്മകള്‍ പണിതൊരു കൊട്ടാരക്കോട്ടയില്
അകലേവരുന്നൊരു വധിയും കാത്തു .
